<?xml version="1.0" encoding="UTF-8"?><song><lyrics>[V1]
 Tsy misy reharehako
 Afa-tsy Ianao, Jesosy ô !
 Anao ny hery, Anao ny haja
 Sy Voninahitra
 Ny fasana sy ny fiainan-tsy hita
 Indro efa resinao
 Izao tontolo izao dia nahita
 Fa efa nitsangana Ianao

[C1]
   Sambatra aho, Jeso ô,
   Manana Anao izay Tompon'ny hery.
   Sambatra aho, Jeso ô,
   Miankina eo an-tratranao
   Ampy ahy ny Fitiavanao
   Ampy ahy ny finoako Anao.
   Raketiko ao am-po lalandava
   Fa reharehako Ianao

[V2]
 Nasehonao ilay fahefana
 Manda sy aroko,
 Ka niala maina teo ilay satana
 Izay fahavaloko
 Tsy misy maharombaka akory
 Izay eo an-tananao
 Izany indrindra no ilazako
 Fa reharehako Ianao

[V3]
 Tsy nisy nahitam-pamonjena
 Afa-tsy taminao.
 Nanaiky Ianao, tsy mba noterena
 Hitondra aina vao.
 Ny tananao mahery natsotranao
 Mba hitantana
 Hahaizako mandeha sy mizotra
 Ny làla-marinao.</lyrics>
<title>Jesosy reharehako FF26</title>
<hymn_number>26</hymn_number>
</song>